იმისათვის, რომ თავი ჯანმრთელად და ლაღად იგრძნოთ, საჭიროა საკმარისი ძილი. ცნობისთვის, შეგიძლიათ გაეცნოთ ჩვენს ჩანაწერს იმაზე, თუ რამდენი საათი უნდა იძინოს ადამიანმა.

უძილობა შეიძლება იყოს გამოწვეული როგორც გარემო ფაქტორებით, რომლებიც ნერვულ სისტემაზე მოქმედებენ და მის ზედმეტ აღგზნებას იწვევენ, ისე თავად ორგანიზმში მიმდინარე პროცესებით - სხვადასხვა დაავადებებითა და ამ დროს განვითარებული ნივთიერებათა ცვლის თავისებურებებით.

უძილობის მიზეზი შეიძლება იყოს:

• გადაღლა, ფიზიკური და ემოციური დაძაბულობა;
• ხმაური, სინათლე, სიცხე, სიცივე, უჟანგბადობა, მძაფრი სუნები, თამბაქოს კვამლი;
• ისეთი პროდუქტების მიღება, რომლებიც სტიმულირებენ ნერვულ სისტემას, მაგალითად ენერგეტიკული სასმელები, ყავა (ყველაფერი, რაც შეიცავს კოფეინს);
• ნიკოტინი, რომელსაც შეიცავს თამბაქოს ბოლი, მაშინაც კი გვიშლის დაძინებაში ხელს, როცა პასიური მწეველები ვართ;
• ცვლილებები ცხოვრების სტილში: მოგზაურობა, ოჯახური მდგომარეობის შეცვლა, რეჟიმის დარღვევა;
• ზოგი სამედინიცო პრეპარატის მიღება, მაგალითად ციტრამონი შეიცავს კოფეინს, რომელიც აღაგზნებს ნერვულ სისტემას;
• ფიზიკური და ემოციური დაძაბულობა.

უძილობასთან გასამკლავებლად საჭიროა გამომწვევი მიზეზების გამოკვლევა და გადაჭრის სწორი გზის პოვნა. ამისათვის კი მოგვმართეთ ჩვენ, რადგანაც, ამ ერთი პრობლემის მოგვარებამ შესაძლოა თქვენი ცხოვრება შეცვალოს.