თვალშიგა წნევის მომატების შედეგად მხედველობის ნერვის დაზიანების გამო გლაუკომა მხედველობის სიბრმავის მიზეზებს შორის მეორე ადგილზეა მსოფლიოში.

გლაუკომის რისკ-ფაქტორებია:

• ოჯახური ისტორია;
• ასაკი >45 წ.;
• ქრონიკული დაავადებები -დიაბეტი, მარტერიული ჰიპერტენზია;
• მაღალი ხარისხის ახლომხედველობა და თვალის ზოგიერთი ანატომიური თავისებურება;
• თხელი რქოვანა;
• თვალის ანთებითი დაავადებები;
• ზოგიერთი წამალი.

გლაუკომის მართვა შესაძლებელია.

• მედიკამენტურ მკურნალობასთან ერთად საჭიროა შემდეგი რეკომენდაციების გათვალისწინება:
• დაიცავით წამლის მიღების რეჟიმი;
• გლაუკომის სამართავად შეიძლება დაგჭირდეთ სხვადასხვა თვალის წვეთების გამოყენება გარკვეული გრაფიკით;
• შეხსენებისთვის დააყენეთ მაღვიძარები და შეტყობინებები მობილურ ტელეფონზე, საათზე ან კომპიუტერზე;
• აუცილებლად აცნობეთ ექიმს მედიკამენტებთან და დოზებთან დაკავშირებული პრობლემების შესახებ;
• მოერიდეთ დაცემას და უბედურ შემთხვევებს:
• ზოგიერთ პაციენტში გლაუკომამ შეიძლება გაზარდოს დაცემის და უბედური შემთხვევების რისკი გვერდითი მხედველობის დაკარგვის გამო;
• მხედველობისველის სრულად დასაფარად ყურადღებით დაათვალიერეთ გარემო თავის მოძრაობით მარცხნიდან მარჯვნივ და ზემოდან ქვემოდან;
• დაგეხმარებათ თქვენს სახლში კარების,კარადების, თაროების და მაგიდის კიდეების მკვეთრი ფერით მონიშნვა;
• დაალაგეთ ხშირად გამოყენებადი ჭურჭელი და ტექნიკა ხელმისაწვდომ ადგილებში;
• დაიცავით ჯანსაღი ცხოვრების წესი
• კვირაში რამდენჯერმე ვარჯიშს შეუძლია გააუმჯობესოს როგორც თვალის, ასევე მთელი ორგანიზმის ჯანმრთელობა.
• ვარჯიშის თაობაზე აუცილებლად გაიარეთ კონსულტაცია ექიმთან;
• თავიდან აიცილეთ სიმძიმეების აწევა და ისეთი პოზიციები, რომლებიც საჭიროებსთავის დახრას გულის დონეზე ქვემოთ;
• ნუ შეწვეტთ კითხვას
• დაქვეითებული მხედველობა აძნელებს კითხვის პროცესს, მაგრამ შეგიძლიათ ისარგებლოთ მაგ., გამადიდებელი შუშით, ან გაზარდოთტექსტის ასოების ზომა ტელეფონში ან კომპიუტერში;
• თხოვეთ მხარდაჭერა მეგობრებსა და ოჯახის წევრებს დამხმარე საშუალებების, წამლების დროულად მიღების და ჯანსაღი ცხოვრების ხელშეწყობისთვის;
• რაც მთავარია, იყავით კონტაქტში ექიმთან.
• დროული დიაგნოსტირების და სწორი მართვის შემთხვევაში პაციენტთა დიდ უმრავლესობაში ხერხდება მხედველობისდა ფუნქციური დამოუკიდებლობის შენარჩუნება.